na de wo subh mujhko jo asir-e-sham ho jae

na de vo sub.h mujh ko jo asīr-e-shām ho jaa.e

atā kar vo sahar jo nuur kā paiġhām ho jaa.e

vo sūraj āsmāñ par sar uThā kar ug nahīñ saktā

ki jis kī raushnī kī aabrū nīlām ho jaa.e

qalam kāġhaz liye phirtā huuñ apnī jeb meñ har-dam

na jaane kab kahāñ ash.ār kā ilhām ho jaa.e

samajh lo tum balā-e-nā-gahānī aane vaalī hai

parinda uḌte uḌte jab kabhī nākām ho jaa.e

hai us kī shā.irī meñ fikr kā fuqdān ai 'ashraf'

magar vo chāhtā hai shā.ir-e-ḳhayyām ho jaa.e

na de wo subh mujh ko jo asir-e-sham ho jae

ata kar wo sahar jo nur ka paigham ho jae

wo suraj aasman par sar uTha kar ug nahin sakta

ki jis ki raushni ki aabru nilam ho jae

qalam kaghaz liye phirta hun apni jeb mein har-dam

na jaane kab kahan ashaar ka ilham ho jae

samajh lo tum bala-e-na-gahani aane wali hai

parinda uDte uDte jab kabhi nakaam ho jae

hai us ki shairi mein fikr ka fuqdan ai 'ashraf'

magar wo chahta hai shair-e-KHayyam ho jae