na dekhi aaj talak maine yar ki surat

na dekhī aaj talak maiñ ne yaar kī sūrat

ho duur jaise chaman se bahār kī sūrat

vo muñh ko moḌ ke dil le ke chal diye apnā

diyā thā mujh ko ye dil kyoñ udhār kī sūrat

gale meñ is tarah kuchh us ne Daal dī bāheñ

ye lag rahī haiñ gulāboñ ke haar kī sūrat

vo mujh se jiit ke is darja ḳhush nazar aa.e

milī hai jiit mujhe aaj haar kī sūrat

jigar ko kar diyā chhalnī ye kaisā vaar kiyā

tirī nigāheñ haiñ ḳhanjar kī dhaar kī sūrat

mire qarīb agar vo khaḌe nazar aa.e

to maut le ga.ī rāh-e-farār kī sūrat

maiñ mar gayā huuñ magar ab bhī zid nahīñ chhoḌī

khulī hai aañkh maiñ dekhūñgā yaar kī sūrat

nazar meñ us kī kuchh is tarah gaḌ ga.ī hai nazar

maiñ dekh paayā kahāñ apne yaar kī sūrat

mire junūn se vāqif hai aaj tak duniyā

kisī ne dekhī kahāñ mere pyaar kī sūrat

jigar ko kar diyā chhalnī ye kaisā vaar kiyā

tirī nigāheñ haiñ ḳhanjar kī dhaar kī sūrat

maiñ intizār meñ baiThā huuñ kab vo aa.egā

dikhā.ūñ kis ko dil-e-be-qarār kī sūrat

kabhī hai ġham kabhī ḳhushiyāñ haiñ mere āñgan meñ

hai zindagī mirī lail-o-nahār kī sūrat

havā meñ dam hī nahīñ thā bujhā sake us ko

charāġh jaltā rahā intizār kī sūrat

vafā kabhī baḌī anmol chiiz thī ai 'ovais'

ise bhī baḳhsh dī ab kārobār kī sūrat

na dekhi aaj talak main ne yar ki surat

ho dur jaise chaman se bahaar ki surat

wo munh ko moD ke dil le ke chal diye apna

diya tha mujh ko ye dil kyon udhaar ki surat

gale mein is tarah kuchh us ne Dal di bahen

ye lag rahi hain gulabon ke haar ki surat

wo mujh se jit ke is darja KHush nazar aae

mili hai jit mujhe aaj haar ki surat

jigar ko kar diya chhalni ye kaisa war kiya

teri nigahen hain KHanjar ki dhaar ki surat

mere qarib agar wo khaDe nazar aae

to maut le gai rah-e-farar ki surat

main mar gaya hun magar ab bhi zid nahin chhoDi

khuli hai aankh main dekhunga yar ki surat

nazar mein us ki kuchh is tarah gaD gai hai nazar

main dekh paya kahan apne yar ki surat

mere junun se waqif hai aaj tak duniya

kisi ne dekhi kahan mere pyar ki surat

jigar ko kar diya chhalni ye kaisa war kiya

teri nigahen hain KHanjar ki dhaar ki surat

main intizar mein baiTha hun kab wo aaega

dikhaun kis ko dil-e-be-qarar ki surat

kabhi hai gham kabhi KHushiyan hain mere aangan mein

hai zindagi meri lail-o-nahaar ki surat

hawa mein dam hi nahin tha bujha sake us ko

charagh jalta raha intizar ki surat

wafa kabhi baDi anmol chiz thi ai 'owais'

ise bhi baKHsh di ab karobar ki surat