na dil ki bebasi dekhi na aankhon ki zaban samjhe

na dil kī bebasī dekhī na āñkhoñ kī zabāñ samjhe

mire shikve ko tum bhī sirf andāz-e-bayāñ samjhe

mohabbat aur koī baat sunñe hī nahīñ detī

kisī kī guftugū niklī ham un kī dāstāñ samjhe

hamāre dil se uThtā hai dhuāñ bijlī kahīñ TuuTe

chaman ke goshe goshe ko ham apnā āshiyāñ samjhe

mohabbat meñ na dāman kā bharosa hai na ashkoñ kā

usī ne rāz-e-dil kholā jise ham rāz-dāñ samjhe

unheñ barsoñ meñ jab dekhā to ronā aa gayā dil ko

bahut chāhā ki tham jaa.eñ magar aañsū kahāñ samjhe

ġhazal kahne meñ ai 'masrūr' rāteñ biit jaatī haiñ

samajhtī hai jo duniyā shā.irī ko rā.egāñ samjhe

na dil ki bebasi dekhi na aankhon ki zaban samjhe

mere shikwe ko tum bhi sirf andaz-e-bayan samjhe

mohabbat aur koi baat sunne hi nahin deti

kisi ki guftugu nikli hum un ki dastan samjhe

hamare dil se uThta hai dhuan bijli kahin TuTe

chaman ke goshe goshe ko hum apna aashiyan samjhe

mohabbat mein na daman ka bharosa hai na ashkon ka

usi ne raaz-e-dil khola jise hum raaz-dan samjhe

unhen barson mein jab dekha to rona aa gaya dil ko

bahut chaha ki tham jaen magar aansu kahan samjhe

ghazal kahne mein ai 'masrur' raaten bit jati hain

samajhti hai jo duniya shairi ko raegan samjhe