na din apna na shab apni na dil apna na jaan apni

na din apnā na shab apnī na dil apnā na jaañ apnī

isī andāz se kaaTī hai ye umr-e-ravāñ apnī

vo us kī chashm-e-āhū ko jo dekhā surma sā maiñ ne

sukūñ khoyā ḳhirad khoī vo tarz-e-zindagāñ apnī

ruḳh-e-gulnār par ḳhāl-e-siyah us kā vo tābinda

vo ik tasvīr jaadū aur nigāh-e-nā-tavāñ apnī

kabhī muḳhtār thā hālāt par taabe thī qismat bhī

idhar to bebasī ye hai ki nā apnī na haañ apnī

pata kyā pūchhte ho pūchhte ho haal kyā mujh se

basā huuñ jis zamīñ par vo hai bastī lā-makāñ apnī

jhukā.ī thiiñ jo us ne dekh ke vo sharmgīñ āñkheñ

vahīñ se kyā huī thī ibtidā-e-dāstāñ apnī

mire ash.ār meñ poshīda haiñ sad-rang-e-rūmānī

'amīr' ab ġhaur se tum bhī suno shīrīñ zabāñ apnī

na din apna na shab apni na dil apna na jaan apni

isi andaz se kaTi hai ye umr-e-rawan apni

wo us ki chashm-e-ahu ko jo dekha surma sa main ne

sukun khoya KHirad khoi wo tarz-e-zindagan apni

ruKH-e-gulnar par KHal-e-siyah us ka wo tabinda

wo ek taswir jadu aur nigah-e-na-tawan apni

kabhi muKHtar tha haalat par tabe thi qismat bhi

idhar to bebasi ye hai ki na apni na han apni

pata kya puchhte ho puchhte ho haal kya mujh se

basa hun jis zamin par wo hai basti la-makan apni

jhukai thin jo us ne dekh ke wo sharmgin aankhen

wahin se kya hui thi ibtida-e-dastan apni

mere ashaar mein poshida hain sad-rang-e-rumani

'amir' ab ghaur se tum bhi suno shirin zaban apni