na din pahaD lage ab na raat bhaari lage

na din pahāḌ lage ab na raat bhārī lage

na aa.e niiñd to āñkhoñ ko kyā ḳhumārī lage

ḳhushī nahīñ thī to ġham se nibāh kar lete

kisī ke saath tabī'at magar hamārī lage

koī na ho kabhī ahbāb ke karam kā shikār

mirī tarah na kisī dil pe zaḳhm-e-kārī lage

hameñ taḌaptā huā ġham meñ chhoḌne vaale

ḳhudā kare ki tujhe zindagī hamārī lage

nafas nafas hameñ roz-e-jazā se baḌh kar hai

vo shauq se jiye jis ko hayāt pyārī lage

vo mar na jaa.e to phir aur kyā kare ai 'shakeb'

vajūd apnā jise zindagī pe bhārī lage

na din pahaD lage ab na raat bhaari lage

na aae nind to aankhon ko kya KHumari lage

KHushi nahin thi to gham se nibah kar lete

kisi ke sath tabi'at magar hamari lage

koi na ho kabhi ahbab ke karam ka shikar

meri tarah na kisi dil pe zaKHm-e-kari lage

hamein taDapta hua gham mein chhoDne wale

KHuda kare ki tujhe zindagi hamari lage

nafas nafas hamein roz-e-jaza se baDh kar hai

wo shauq se jiye jis ko hayat pyari lage

wo mar na jae to phir aur kya kare ai 'shakeb'

wajud apna jise zindagi pe bhaari lage