na dur jaane na pas aane se kya milega

na duur jaane na paas aane se kyā milegā

marīz-e-ulfat ko āzmāne se kyā milegā

vo surḳh dhāga thā mannatoñ kā jise hai toḌā

abhī hazāroñ diye jalāne se kyā milegā

ab is se baḌh kar to kuchh nahīñ hai ki jaañ se jaa.eñ

na-gah sitamgar hameñ satāne se kyā milegā

yuuñ be-irāda hī bojh dil se utārā varna

ye sher likh kar tujhe sunāne se kyā milegā

tumhāre aa.e binā udāsī na jaa.e dil se

tumhārī tasvīr ko lagāne se kyā milegā

ziyāñ kā ehsās had se behad hī hogā merā

mujhe tumhāre yuuñ shahr jaane se kyā milegā

agar sune to uḌaan bhar kar maregī titlī

jo tum pe likkhā vo giit gaane se kyā milegā

tirī samā.at hai sur kī aadī na sun sakegī

jo dil pe guzre tujhe batāne se kyā milegā

mazā to tab hai ki dil kī duniyā meñ dil basā ho

yuuñ chand lamhe badan milāne se kyā milegā

tumhārī ḳhushbū agar nahīñ hai to kuchh nahīñ hai

gulāb champā se ghar sajāne se kyā milegā

tujhe savālī kī jholī bharnā kabhī na aaya

tumhāre dar ko yuuñ khaTkhaTāne se kyā milegā

hameñ na moḌo hamāre kaase meñ diid Daalo

faqīr logoñ kā dil dukhāne se kyā milegā

na dur jaane na pas aane se kya milega

mariz-e-ulfat ko aazmane se kya milega

wo surKH dhaga tha mannaton ka jise hai toDa

abhi hazaron diye jalane se kya milega

ab is se baDh kar to kuchh nahin hai ki jaan se jaen

na-gah sitamgar hamein satane se kya milega

yun be-irada hi bojh dil se utara warna

ye sher likh kar tujhe sunane se kya milega

tumhaare aae bina udasi na jae dil se

tumhaari taswir ko lagane se kya milega

ziyan ka ehsas had se behad hi hoga mera

mujhe tumhaare yun shahr jaane se kya milega

agar sune to uDan bhar kar maregi titli

jo tum pe likkha wo git gane se kya milega

teri samaat hai sur ki aadi na sun sakegi

jo dil pe guzre tujhe batane se kya milega

maza to tab hai ki dil ki duniya mein dil basa ho

yun chand lamhe badan milane se kya milega

tumhaari KHushbu agar nahin hai to kuchh nahin hai

gulab champa se ghar sajaane se kya milega

tujhe sawali ki jholi bharna kabhi na aaya

tumhaare dar ko yun khaTkhaTane se kya milega

hamein na moDo hamare kase mein did Dalo

faqir logon ka dil dukhane se kya milega