na fasle koi nikle na qurbaten niklin

na fāsle koī nikle na qurbateñ niklīñ

vafā ke naam se kyā kyā siyāsateñ niklīñ

khulī hai vahshat-e-ālam pe aaj kākul-e-yār

kuchh aur daur-e-ḳhirad terī nisbateñ niklīñ

hazār hāthoñ ke paimān-e-nau kā markaz hai

havā ke haath meñ nā-dīd tāqateñ niklīñ

sipāh-e-ishq jahāñ ḳhandaqoñ meñ jaltī thī

vo moḌ kaaT ke āḳhir mohabbateñ niklīñ

fazā-e-tāza-nafas dilbarī kī aa.ī hai

na.ī na.ī ġham-e-dil kī masāfateñ niklīñ

sharār-e-mahr-o-nam-e-abr ke taġhayyur tak

visāl-e-dost meñ kyā kyā nazākateñ niklīñ

vahī ki rashk-e-raqībāñ se tīra-tar hai jo zulf

kal ittifāq se us kī hikāyateñ niklīñ

vo harf-e-shak hai ki ahl-e-yaqīñ nahīñ samjhe

dimāġh-e-kufr se kyā kyā haqīqateñ niklīñ

kamand-e-sāriq o mār-e-siyāh meñ āḳhir

ye kis kā haath thā ye kis kī hikmateñ niklīñ

visāl-o-hijr se kyā ishq se sambhal na sakīñ

tirī nigāh meñ aisī nadāmateñ niklīñ

nigār-ḳhāne ke naqsh-o-nigār kuchh bhī na the

junūñ kī aañkh meñ ġhaltīda sūrateñ niklīñ

na fasle koi nikle na qurbaten niklin

wafa ke nam se kya kya siyasaten niklin

khuli hai wahshat-e-alam pe aaj kakul-e-yar

kuchh aur daur-e-KHirad teri nisbaten niklin

hazar hathon ke paiman-e-nau ka markaz hai

hawa ke hath mein na-did taqaten niklin

sipah-e-ishq jahan KHandaqon mein jalti thi

wo moD kaT ke aaKHir mohabbaten niklin

faza-e-taza-nafas dilbari ki aai hai

nai nai gham-e-dil ki masafaten niklin

sharar-e-mahr-o-nam-e-abr ke taghayyur tak

visal-e-dost mein kya kya nazakaten niklin

wahi ki rashk-e-raqiban se tira-tar hai jo zulf

kal ittifaq se us ki hikayaten niklin

wo harf-e-shak hai ki ahl-e-yaqin nahin samjhe

dimagh-e-kufr se kya kya haqiqaten niklin

kamand-e-sariq o mar-e-siyah mein aaKHir

ye kis ka hath tha ye kis ki hikmaten niklin

visal-o-hijr se kya ishq se sambhal na sakin

teri nigah mein aisi nadamaten niklin

nigar-KHane ke naqsh-o-nigar kuchh bhi na the

junun ki aankh mein ghaltida suraten niklin