na falak hoga na ye kucha-e-qatil hoga

na falak hogā na ye kūcha-e-qātil hogā

mire kahne meñ kisī din jo mirā dil hogā

jab numāyāñ vo savār-e-rah-e-manzil hogā

na to maiñ aap meñ hūñgā na mirā dil hogā

aadhī raat aa ga.ī bas bas dil-e-betāb sambhal

ham samajhte haiñ jo is karb kā hāsil hogā

ruḳhsat ai vahshat-e-tanhā.ī-o-ġhurbat ruḳhsat

ḳhauf hī kyā hai jo hamrāh mire dil hogā

raat kā ḳhvāb nahīñ jis kī har ik de ta.abīr

ye vo armān hai puurā jo ba-mushkil hogā

terā kyā zikr hai zindāñ kī hilegī dīvār

nāla-kash jab koī pāband-e-salāsil hogā

Taal diiñ maiñ ne ye kah kah ke zideñ bachpan kī

aa.ina bhī koī shai hai jo muqābil hogā

Dūbne jā.egā shāyad koī māyūs visāl

majma-e-ām sunā hai lab-e-sāhil hogā

chaud.hvāñ saal use detā hai muzhda 'ālim'

le mubārak ho ki ab tū mah-e-kāmil hogā

na falak hoga na ye kucha-e-qatil hoga

mere kahne mein kisi din jo mera dil hoga

jab numayan wo sawar-e-rah-e-manzil hoga

na to main aap mein hunga na mera dil hoga

aadhi raat aa gai bas bas dil-e-betab sambhal

hum samajhte hain jo is karb ka hasil hoga

ruKHsat ai wahshat-e-tanhai-o-ghurbat ruKHsat

KHauf hi kya hai jo hamrah mere dil hoga

raat ka KHwab nahin jis ki har ek de tabir

ye wo arman hai pura jo ba-mushkil hoga

tera kya zikr hai zindan ki hilegi diwar

nala-kash jab koi paband-e-salasil hoga

Tal din main ne ye kah kah ke ziden bachpan ki

aaina bhi koi shai hai jo muqabil hoga

Dubne jaega shayad koi mayus visal

majma-e-am suna hai lab-e-sahil hoga

chaudhwan sal use deta hai muzhda 'alim'

le mubarak ho ki ab tu mah-e-kaamil hoga