na girja church mandir masjid-o-maktab mein hoti hai

na girjā church mandir masjid-o-maktab meñ hotī hai

tashaddud jaḌ tirī dar-asl har maz.hab meñ hotī hai

hamāre zehn-o-dil meñ baat to be-ḳhauf aatī hai

magar laġhzish jo hotī hai zabān-o-lab meñ hotī hai

agar 'ohda na ho to aadmī insān ho jaa.e

ye jo maġhrūriyat hotī hai ye mansab meñ hotī hai

jo rāh-e-haq hai us raste pe quvvat rahnumā.ī kī

kabhī joseph meñ hotī hai kabhī jacob meñ hotī hai

vahīñ tahzīb hotī hai jahāñ tahzīb vaale hoñ

na ye pachchhim meñ hotī hai na ye pūrab meñ hotī hai

kahīñ bhī ho natīja jang kā achchhā nahīñ hotā

laḌā.ī jo bhī hotī hai vo be-matlab meñ hotī hai

ye sab qismat kī bāteñ hai vagarna kuchh na kuchh ḳhūbī

huā kartī hai naukar meñ bhī jo sāhab meñ hotī hai

tamāshā karne vaale log jaate haiñ siyāsat meñ

hunar-mandī kahāñ har shaḳhs ke kartab meñ hotī hai

na girja church mandir masjid-o-maktab mein hoti hai

tashaddud jaD teri dar-asl har mazhab mein hoti hai

hamare zehn-o-dil mein baat to be-KHauf aati hai

magar laghzish jo hoti hai zaban-o-lab mein hoti hai

agar 'ohda na ho to aadmi insan ho jae

ye jo maghruriyat hoti hai ye mansab mein hoti hai

jo rah-e-haq hai us raste pe quwwat rahnumai ki

kabhi joseph mein hoti hai kabhi jacob mein hoti hai

wahin tahzib hoti hai jahan tahzib wale hon

na ye pachchhim mein hoti hai na ye purab mein hoti hai

kahin bhi ho natija jang ka achchha nahin hota

laDai jo bhi hoti hai wo be-matlab mein hoti hai

ye sab qismat ki baaten hai wagarna kuchh na kuchh KHubi

hua karti hai naukar mein bhi jo sahab mein hoti hai

tamasha karne wale log jate hain siyasat mein

hunar-mandi kahan har shaKHs ke kartab mein hoti hai