na hua hashr ko haal-e-sitam izhaar apna

na huā hashr ko hāl-e-sitam iz.hār apnā

na banāyā hameñ zālim ne gunahgār apnā

haath mahrūmī-e-taqdīr ke hai kaar apnā

kyā dikhā.eñ tujhe muñh hasrat-e-dīdār apnā

halqa-e-kākul-e-mushkīñ ke jo mazmūñ bāñdhe

ban gayā nuqta har ik nāfa-e-tātār apnā

sahl samjhe the dam-e-qatl girāñ-jānī ko

ho gayā kaam tirī teġh ko dushvār apnā

dekhte hī use kuchh kah na sake hashr meñ ham

ho gayā band vahāñ bhī lab-e-iz.hār apnā

intiqām-e-sitam-e-ġhair se māyūs rahe

na huā hashr meñ bhī koī talabgār apnā

af.ī-e-zulf ke Daste hī huā kaam tamām

bah gayā aab ke mānind tan-e-zār apnā

raat us maah ko ham jhāñkte hī mahv hue

ban gayā rauzan-e-dar dīda-e-bedār apnā

kākul-o-zulf kī suljhā.ī hī maiñ pech paḌā

varna hotā na kabhī dil ye giraftār apnā

rū-siyah hī sifat-e-naqsh-e-nagīñ rakhtā hai

ḳhuub raushan hai 'hayā' baḳht-e-siyahkār apnā

na hua hashr ko haal-e-sitam izhaar apna

na banaya hamein zalim ne gunahgar apna

hath mahrumi-e-taqdir ke hai kar apna

kya dikhaen tujhe munh hasrat-e-didar apna

halqa-e-kakul-e-mushkin ke jo mazmun bandhe

ban gaya nuqta har ek nafa-e-tatar apna

sahl samjhe the dam-e-qatl giran-jaani ko

ho gaya kaam teri tegh ko dushwar apna

dekhte hi use kuchh kah na sake hashr mein hum

ho gaya band wahan bhi lab-e-izhaar apna

intiqam-e-sitam-e-ghair se mayus rahe

na hua hashr mein bhi koi talabgar apna

afi-e-zulf ke Daste hi hua kaam tamam

bah gaya aab ke manind tan-e-zar apna

raat us mah ko hum jhankte hi mahw hue

ban gaya rauzan-e-dar dida-e-bedar apna

kakul-o-zulf ki suljhai hi main pech paDa

warna hota na kabhi dil ye giraftar apna

ru-siyah hi sifat-e-naqsh-e-nagin rakhta hai

KHub raushan hai 'haya' baKHt-e-siyahkar apna