na hua par na hua wo but KHud sar apna

na huā par na huā vo but ḳhud sar apnā

tujh se insāf hai ai dāvar-e-mahshar apnā

be-qarārī ne lagāyā hai Thikāne mujh ko

pahlū-e-mehr-e-qayāmat meñ hai bistar apnā

kyā khule phirte ho tum qātil-e-ālam ho kar

kyoñ dikhāte ho tamāsha sar-e-mahshar apnā

ham-nashīñ mahv-e-tasavvur huuñ uThā.ūñ kyoñ kar

de gayā hai kisī zaanū ke tale sar apnā

mil gayā ek na milne se tire kunj-e-lahad

ban gayā ek bigaḌne se tire ghar apnā

mujh se kyā pūchhte ho donoñ jahāñ phūñk bhī do

jalne vaale bhī haiñ apne ruḳh-e-anvar apnā

dil meñ kyā sochte ho tum jise chāho dekho

aañkh apnī hai nazar apnī hai manzar apnā

is kī tarkīb ḳharābī se hai allāh allāh

vo bigaḌte haiñ to bantā hai muqaddar apnā

haa.e vo rañg-e-mohabbat ki tabassum ban kar

kisī ālūda lab-e-yār meñ thā ghar apnā

kuchh ḳhabar hai tumheñ bargashtagī-e-mizhgāñ kī

vo nazākat se sañbhaltā nahīñ nashtar apnā

chāhiye ā.īna-e-dil pe fanā kī saiqal

miTte hī miTte chamak jā.egā jauhar apnā

tiira baḳhtī ne vafā ḳhuub chhupā rakhā thā

khul gayā jalsa-e-ahbāb pe jauhar apnā

na hua par na hua wo but KHud sar apna

tujh se insaf hai ai dawar-e-mahshar apna

be-qarari ne lagaya hai Thikane mujh ko

pahlu-e-mehr-e-qayamat mein hai bistar apna

kya khule phirte ho tum qatil-e-alam ho kar

kyon dikhate ho tamasha sar-e-mahshar apna

ham-nashin mahw-e-tasawwur hun uThaun kyon kar

de gaya hai kisi zanu ke tale sar apna

mil gaya ek na milne se tere kunj-e-lahad

ban gaya ek bigaDne se tere ghar apna

mujh se kya puchhte ho donon jahan phunk bhi do

jalne wale bhi hain apne ruKH-e-anwar apna

dil mein kya sochte ho tum jise chaho dekho

aankh apni hai nazar apni hai manzar apna

is ki tarkib KHarabi se hai allah allah

wo bigaDte hain to banta hai muqaddar apna

hae wo rang-e-mohabbat ki tabassum ban kar

kisi aaluda lab-e-yar mein tha ghar apna

kuchh KHabar hai tumhein bargashtagi-e-mizhgan ki

wo nazakat se sanbhalta nahin nashtar apna

chahiye aaina-e-dil pe fana ki saiqal

miTte hi miTte chamak jaega jauhar apna

tera baKHti ne wafa KHub chhupa rakha tha

khul gaya jalsa-e-ahbab pe jauhar apna