na hui saf tabiat hi to hai

na huī saaf tabī.at hī to hai

rah ga.ī dil meñ kudūrat hī to hai

bhā ga.iiñ dil ko adā.eñ un kī

khub ga.ī āñkhoñ meñ sūrat hī to hai

merī mayyat pe na aa.e na sahī

na huī aap ko fursat hī to hai

nahīñ kartā maiñ jafā kā shikva

aap kyā kījiye aadat hī to hai

nahīñ aatā kasī pahlū ārām

nahīñ kaTtī shab-e-furqat hī to hai

niklī qātil na tire tiir ke saath

dil hī meñ rah ga.ī hasrat hī to hai

mujh se aasī pe ye baḳhshish ye karam

banda-parvar tarī rahmat hī to hai

na Talī sar se bulā-e-furqat

paḌ ga.ī jaan pe aafat hī to hai

ham ne pherā na dil apnā tujh se

jaan de baiThe muravvat hī to hai

hashr barpā hai tarī qāmat se

ye bhī andāz-e-qayāmat hī to hai

na rahā zabt kā yaarā 'anjum'

na chhupī ham se mohabbat hī to hai

na hui saf tabiat hi to hai

rah gai dil mein kudurat hi to hai

bha gain dil ko adaen un ki

khub gai aankhon mein surat hi to hai

meri mayyat pe na aae na sahi

na hui aap ko fursat hi to hai

nahin karta main jafa ka shikwa

aap kya kijiye aadat hi to hai

nahin aata kasi pahlu aaram

nahin kaTti shab-e-furqat hi to hai

nikli qatil na tere tir ke sath

dil hi mein rah gai hasrat hi to hai

mujh se aasi pe ye baKHshish ye karam

banda-parwar tari rahmat hi to hai

na Tali sar se bula-e-furqat

paD gai jaan pe aafat hi to hai

hum ne phera na dil apna tujh se

jaan de baiThe murawwat hi to hai

hashr barpa hai tari qamat se

ye bhi andaz-e-qayamat hi to hai

na raha zabt ka yara 'anjum'

na chhupi hum se mohabbat hi to hai