na jaane kab ji tumhaara bahle main tang tum se ab aa raha hun

na jaane kab jī tumhārā bahle maiñ tañg tum se ab aa rahā huuñ

ki jitne qisse bane nahīñ the ziyāda us se sunā rahā huuñ

baḌā hī dushvār hai safar meñ bharosā qaa.em banā.e rakhnā

tamām dhoke vo khā rahā hai tamām dhoke maiñ khā rahā huuñ

yuuñ bhole ban ke bhī kyā karoge chalo sikhāte haiñ ik chālākī

mujhe badan tum hī apnā de do badan maiñ de ke hī aa rahā huuñ

jo dekhnā hai to dekh hī lo hai kitnī āsān ye mohabbat

vo mujh se pīchhā chhuḌā rahī hai maiñ us se pīchhā chhuḌā rahā huuñ

likhī ga.ī hai na.ī ibārat vo saarā qissa ajiib hī hai

sunā.eñ qissa ki jaane deñ ham sunā rahā huuñ sunā rahā huuñ

jo tum sunoge to bor hoge tavīl hai ye hamārā qissa

tavīl qisse ko kar ke chhoTā miTā miTā ke sunā rahā huuñ

jo raaz khole to dekh lenā hai tum se ham ko vafā kī ummīd

vo baat merī batā rahā hai maiñ baat us kī batā rahā huuñ

haañ tum ko mujh se nahīñ rahī hai vo pahle jaisī hasīñ mohabbat

tum apnā hissa nibhā rahī ho maiñ apnā hissa nibhā rahā huuñ

na jaane kitnī hī baar maiñ ne thā tum ko ullū banā.e rakhā

yaqīñ karoge yuuñ tum bhī kab tab chalo maiñ qissa sunā rahā huuñ

to bachche kar ke ye fā.eda hai yaqīñ barābar banā huā hai

vo khā rahī hai tamām qasmeñ tamām maiñ bhī to khā rahā huuñ

na jaane kyā hai jo jal rahī hai kahīñ ye apnī hī chiiz to na.iiñ

kyā aag dil meñ lagā rahe ho haañ aag dil meñ lagā rahā huuñ

ye baat tum ne bhī sun rakhī hai ki koī ham ko hai taktā rahtā

tabhī chhupā ke rakhī ho ham ko tabhī maiñ tum ko chhupā rahā huuñ

jo aag hotī hai tanhā rahne kī aag vo tum vo lagā rahe ho

ḳhudā kabhī to sunegā merī ḳhudā ko apne bulā rahā huuñ

hai baat karnā hī kaam merā to kaam kī baat kyā hī hoñgī

batānī thī yaar ye shurūa meñ lo jā ke ab maiñ batā rahā huuñ

chhaḌī huī hai vo jañg apnī ki kaun jiitā ki kaun haarā

vo merā parda girā rahā hai maiñ us se parda haTā rahā huuñ

na jaane kab ji tumhaara bahle main tang tum se ab aa raha hun

ki jitne qisse bane nahin the ziyaada us se suna raha hun

baDa hi dushwar hai safar mein bharosa qaem banae rakhna

tamam dhoke wo kha raha hai tamam dhoke main kha raha hun

yun bhole ban ke bhi kya karoge chalo sikhate hain ek chaalaki

mujhe badan tum hi apna de do badan main de ke hi aa raha hun

jo dekhna hai to dekh hi lo hai kitni aasan ye mohabbat

wo mujh se pichha chhuDa rahi hai main us se pichha chhuDa raha hun

likhi gai hai nai ibarat wo sara qissa ajib hi hai

sunaen qissa ki jaane den hum suna raha hun suna raha hun

jo tum sunoge to bor hoge tawil hai ye hamara qissa

tawil qisse ko kar ke chhoTa miTa miTa ke suna raha hun

jo raaz khole to dekh lena hai tum se hum ko wafa ki ummid

wo baat meri bata raha hai main baat us ki bata raha hun

han tum ko mujh se nahin rahi hai wo pahle jaisi hasin mohabbat

tum apna hissa nibha rahi ho main apna hissa nibha raha hun

na jaane kitni hi bar main ne tha tum ko ullu banae rakha

yaqin karoge yun tum bhi kab tab chalo main qissa suna raha hun

to bachche kar ke ye faeda hai yaqin barabar bana hua hai

wo kha rahi hai tamam qasmen tamam main bhi to kha raha hun

na jaane kya hai jo jal rahi hai kahin ye apni hi chiz to nain

kya aag dil mein laga rahe ho han aag dil mein laga raha hun

ye baat tum ne bhi sun rakhi hai ki koi hum ko hai takta rahta

tabhi chhupa ke rakhi ho hum ko tabhi main tum ko chhupa raha hun

jo aag hoti hai tanha rahne ki aag wo tum wo laga rahe ho

KHuda kabhi to sunega meri KHuda ko apne bula raha hun

hai baat karna hi kaam mera to kaam ki baat kya hi hongi

batani thi yar ye shurua mein lo ja ke ab main bata raha hun

chhaDi hui hai wo jang apni ki kaun jita ki kaun haara

wo mera parda gira raha hai main us se parda haTa raha hun