na jaane kaun hai dekha hua sa lagta hai

na jaane kaun hai dekhā huā sā lagtā hai

ik ajnabī hai magar āshnā sā lagtā hai

tazād-e-sūrat-o-sīrat pe ab yaqīñ aayā

vo bevafā hai magar bā-vafā sā lagtā hai

garāñ na guzrā thā aisā ye intizār kabhī

ab ek lamha bhī sabr-āzmā sā lagtā hai

unheñ umiid ho ta.amīl kī to kyuuñ kar ho

ki un kā hukm hī kuchh iltijā sā lagtā hai

ye phuul sāda-o-be-rañg hī sahī lekin

tumhāre joḌe meñ kyā ḳhushnumā sā lagtā hai

vo bhaa.ī bhaa.ī haiñ rahte haiñ ek hī ghar meñ

magar diyoñ meñ baḌā fāsla sā lagtā hai

vo tum vo maiñ vo lab-e-jū vo raat aur vo chāñd

ye ek ḳhvāb hī kitnā bhalā sā lagtā hai

na mujh meñ vasf na ḳhūbī na kuchh hunar phir bhī

tamām shahr mirā ham-navā sā lagtā hai

ye aaj shahr meñ kyā baat ho ga.ī 'kausar'

jise bhī dekhiye sahmā huā sā lagtā hai

na jaane kaun hai dekha hua sa lagta hai

ek ajnabi hai magar aashna sa lagta hai

tazad-e-surat-o-sirat pe ab yaqin aaya

wo bewafa hai magar ba-wafa sa lagta hai

garan na guzra tha aisa ye intizar kabhi

ab ek lamha bhi sabr-azma sa lagta hai

unhen umid ho tamil ki to kyun kar ho

ki un ka hukm hi kuchh iltija sa lagta hai

ye phul sada-o-be-rang hi sahi lekin

tumhaare joDe mein kya KHushnuma sa lagta hai

wo bhai bhai hain rahte hain ek hi ghar mein

magar diyon mein baDa fasla sa lagta hai

wo tum wo main wo lab-e-ju wo raat aur wo chand

ye ek KHwab hi kitna bhala sa lagta hai

na mujh mein wasf na KHubi na kuchh hunar phir bhi

tamam shahr mera ham-nawa sa lagta hai

ye aaj shahr mein kya baat ho gai 'kausar'

jise bhi dekhiye sahma hua sa lagta hai