na jaane kaun si uljhan rawan sine mein rahti hai

na jaane kaun sī uljhan ravāñ siine meñ rahtī hai

ba-har-lamha mire tār-e-nafas meñ gāñTh paḌtī hai

tire hone se the rang-e-tarab kyā-kyā nazāroñ meñ

magar ab shahr-e-dil meñ ḳhaak aur bas ḳhaak uḌtī hai

lagā letī hai siine se kisī kī nuqra.ī yādeñ

shab-e-tārīk merī yuuñ sitāra-yāb hotī hai

kahīñ gard-e-mah-o-anjum junūn-e-dil uḌātā hai

kahīñ mahmil meñ lailā-e-talab afsurda baiThī hai

karam ai ganj-e-ḳhūbī ik nazar kī bhiik to de de

ki ik muddat se ḳhālī ye mirā dast-e-savālī hai

na jaane kaun si uljhan rawan sine mein rahti hai

ba-har-lamha mere tar-e-nafas mein ganTh paDti hai

tere hone se the rang-e-tarab kya-kya nazaron mein

magar ab shahr-e-dil mein KHak aur bas KHak uDti hai

laga leti hai sine se kisi ki nuqrai yaaden

shab-e-tarik meri yun sitara-yab hoti hai

kahin gard-e-mah-o-anjum junun-e-dil uData hai

kahin mahmil mein laila-e-talab afsurda baiThi hai

karam ai ganj-e-KHubi ek nazar ki bhik to de de

ki ek muddat se KHali ye mera dast-e-sawali hai