na jaane rauzan-e-diwar kya jadu jagata hai

na jaane rauzan-e-dīvār kyā jaadū jagātā hai

talattuf se sañbhaltā hai qadam yā Dagmagātā hai

ye tamhīd-e-nigāh-e-shauq hai do-ātisha ai dil

is 'ālam meñ ik 'ālam aur ā.īna dikhātā hai

kahāñ kā 'ishq lekin ye mujhe mahsūs hotā hai

ki merā haath dosh-e-nāznīñ par thartharātā hai

kahāñ pahle thā ye mausam hai sab tarz-e-ḳhirām us kā

havāoñ meñ gulābī baaġh meñ ḳhushbū uḌātā hai

mizājoñ kī ham-āhañgī bhī aksar shaaq hotī hai

ugaltī haiñ mashīneñ aag sūraj muskurātā hai

tuyūr-e-zamzama-pardāz kī pahchān hotī hai

vo taa.ir kyā jo āvāzoñ se āvāzeñ milātā hai

usī par jaan dete haiñ jise be-mehr kahte haiñ

jo ham ko bhuul jaatā hai vo aksar yaad aatā hai

na jaane rauzan-e-diwar kya jadu jagata hai

talattuf se sanbhalta hai qadam ya Dagmagata hai

ye tamhid-e-nigah-e-shauq hai do-atisha ai dil

is 'alam mein ek 'alam aur aaina dikhata hai

kahan ka 'ishq lekin ye mujhe mahsus hota hai

ki mera hath dosh-e-naznin par thartharaata hai

kahan pahle tha ye mausam hai sab tarz-e-KHiram us ka

hawaon mein gulabi bagh mein KHushbu uData hai

mizajon ki ham-ahangi bhi aksar shaq hoti hai

ugalti hain mashinen aag suraj muskuraata hai

tuyur-e-zamzama-pardaz ki pahchan hoti hai

wo tair kya jo aawazon se aawazen milata hai

usi par jaan dete hain jise be-mehr kahte hain

jo hum ko bhul jata hai wo aksar yaad aata hai