na jaane ye kaisi hawa ho gai hai

na jaane ye kaisī havā ho ga.ī hai

bujhā ke charāġhoñ ko vo so ga.ī hai

nadī jo bahut boltī thī hamesha

samundar meñ gir ke vo chup ho ga.ī hai

haañ thī ḳhūbsūrat balā kī magar vo

kahāñ jaane us kī hañsī kho ga.ī hai

hameñ raat dekhe hai majbūr ho ke

rulāne ko aa.ī thī ḳhud ro ga.ī hai

galī thī usī dil mohalle meñ merī

yahāñ ik imārat khaḌī ho ga.ī hai

duā dī thī us ne jo lambī umr kī

suno vo duā bad-duā ho ga.ī hai

haqīqat kī duniyā baḌī be-rahm hai

vo lauTegī laḌkī abhī jo ga.ī hai

haañ rakhā thā likh ke jo kahnā thā us se

bahār ab ke aa.ī to sab dho ga.ī hai

merī raah meñ phuul hī phuul haiñ ab

use bone kāñTe the kyā bo ga.ī hai

na.ī ik ġhazal likh ke laayā to thā maiñ

yahīñ to rakhī thī kahāñ kho ga.ī hai

na jaane ye kaisi hawa ho gai hai

bujha ke charaghon ko wo so gai hai

nadi jo bahut bolti thi hamesha

samundar mein gir ke wo chup ho gai hai

han thi KHubsurat bala ki magar wo

kahan jaane us ki hansi kho gai hai

hamein raat dekhe hai majbur ho ke

rulane ko aai thi KHud ro gai hai

gali thi usi dil mohalle mein meri

yahan ek imarat khaDi ho gai hai

dua di thi us ne jo lambi umr ki

suno wo dua bad-dua ho gai hai

haqiqat ki duniya baDi be-rahm hai

wo lauTegi laDki abhi jo gai hai

han rakha tha likh ke jo kahna tha us se

bahaar ab ke aai to sab dho gai hai

meri rah mein phul hi phul hain ab

use bone kanTe the kya bo gai hai

nai ek ghazal likh ke laya to tha main

yahin to rakhi thi kahan kho gai hai