na jafa tumko na mujhko hi wafa aati hai

na jafā tum ko na mujh ko hī vafā aatī hai

dekhiye sharm kise roz-e-jazā aatī hai

bahr-e-sargoshī-e-bedād balā aatī hai

kaan ke paas tirī zulf-e-dotā aatī hai

bekasī bā.is-e-sharmindagī-e-marg huī

gor ko bhī mire lene meñ hayā aatī hai

khīñche hai nāqa-e-lailā ko sū-e-najd koī

sārbāñ nāla-e-majnūñ kī sadā aatī hai

sard-mehrī se tirī dāġh-e-jigar sabz hue

rauzan-e-sīna se kuchh ThanDī havā aatī hai

haa.e vo girya-e-ḳhāmosh se bhī garm hue

ashk-e-ġhammāz ko kyā aag lagā aatī hai

kis ke talvoñ se tasavvur meñ milī thiiñ āñkheñ

ashk-e-ḳhūñ-bār se kuchh bū-e-hinā aatī hai

haath jab siine ke nāsūr se apnā sarkā

dil-e-bīmār pukārā ki havā aatī hai

'sho.ala' hai ulfat-e-duniyā to faqat tā-dam-e-marg

zindagī yaad kise ba.ad-e-fanā aatī hai

na jafa tum ko na mujh ko hi wafa aati hai

dekhiye sharm kise roz-e-jaza aati hai

bahr-e-sargoshi-e-bedad bala aati hai

kan ke pas teri zulf-e-dota aati hai

bekasi bais-e-sharmindagi-e-marg hui

gor ko bhi mere lene mein haya aati hai

khinche hai naqa-e-laila ko su-e-najd koi

sarban nala-e-majnun ki sada aati hai

sard-mehri se teri dagh-e-jigar sabz hue

rauzan-e-sina se kuchh ThanDi hawa aati hai

hae wo girya-e-KHamosh se bhi garm hue

ashk-e-ghammaz ko kya aag laga aati hai

kis ke talwon se tasawwur mein mili thin aankhen

ashk-e-KHun-bar se kuchh bu-e-hina aati hai

hath jab sine ke nasur se apna sarka

dil-e-bimar pukara ki hawa aati hai

'shoala' hai ulfat-e-duniya to faqat ta-dam-e-marg

zindagi yaad kise baad-e-fana aati hai