na jazb-e-shauq kaam aaya na soz-e-ishq kaam aaya

na jazb-e-shauq kaam aaya na soz-e-ishq kaam aaya

ishāre se usī ke chāhne vāloñ meñ naam aaya

kise tāb-e-nazar thī diid kā jab hukm-e-ām aaya

hazāroñ bijliyāñ kauñdīñ vo jab bālā-e-bām aaya

mirī taqdīr kī tārīkiyāñ jab baḌh ga.iiñ had se

siyah-ḳhāne meñ mere aap vo māh-e-tamām aaya

huā ehsās ruḳhsat intihā-e-yās-o-hirmāñ meñ

hameñ kyā ab agar us kā payām aaya salām aaya

muqaddar kī tahī-dastī ne badlā rang-e-mahfil ko

huī miinā tahī jis vaqt mujh tak daur-e-jām aaya

jahāñ bhaTkī huī ḳhud rāhbar kī rahbarī niklī

bil-āḳhir ek rāh-e-ishq meñ aisā maqām aaya

tabāhī to usī din kā.enāt-e-ishq meñ aa.ī

liye jab husn lākhoñ mahsharoñ kā ehtimām aaya

nigāh-e-dil se maiñ ne husn ko ik baar dekhā thā

ki lene ishq mujh se zindagī kā intiqām aaya

nasīb-e-ishq the dār-o-rasan ai husn albatta

ye kis ke sar rahā ilzām kis par ittihām aaya

hai 'nāmī' dīdanī us kī sahar kī hashr-sāmānī

balā.eñ ban ke jis kambaḳht par har-vaqt-e-shām aaya

na jazb-e-shauq kaam aaya na soz-e-ishq kaam aaya

ishaare se usi ke chahne walon mein nam aaya

kise tab-e-nazar thi did ka jab hukm-e-am aaya

hazaron bijliyan kaundin wo jab baala-e-baam aaya

meri taqdir ki tarikiyan jab baDh gain had se

siyah-KHane mein mere aap wo mah-e-tamam aaya

hua ehsas ruKHsat intiha-e-yas-o-hirman mein

hamein kya ab agar us ka payam aaya salam aaya

muqaddar ki tahi-dasti ne badla rang-e-mahfil ko

hui mina tahi jis waqt mujh tak daur-e-jam aaya

jahan bhaTki hui KHud rahbar ki rahbari nikli

bil-aKHir ek rah-e-ishq mein aisa maqam aaya

tabahi to usi din kaenat-e-ishq mein aai

liye jab husn lakhon mahsharon ka ehtimam aaya

nigah-e-dil se main ne husn ko ek bar dekha tha

ki lene ishq mujh se zindagi ka intiqam aaya

nasib-e-ishq the dar-o-rasan ai husn albatta

ye kis ke sar raha ilzam kis par ittiham aaya

hai 'nami' didani us ki sahar ki hashr-samani

balaen ban ke jis kambaKHt par har-waqt-e-sham aaya