na kar hayat ka itna gunahgar mujhe
na kar hayāt kā itnā gunāhgār mujhe
mirī najāt ke patthar zarā pukār mujhe
faqat hifāzat-e-zaḳhm-e-dil-o-nazar ke sivā
na aayā raas koī aur kārobār mujhe
banā huā thā garebāñ junūñ-pasandoñ kā
kiyā hai shoḳh bahāroñ ne tārtār mujhe
mire vujūd mire pyaar mere ġham ke sivā
nahīñ hai aur kisī shai kā e'tibār mujhe
vo ik jalan jise kahte haiñ fikr-o-fan 'vasfī'
us ik jalan kā hai sadiyoñ se intizār mujhe
na kar hayat ka itna gunahgar mujhe
meri najat ke patthar zara pukar mujhe
faqat hifazat-e-zaKHm-e-dil-o-nazar ke siwa
na aaya ras koi aur karobar mujhe
bana hua tha gareban junun-pasandon ka
kiya hai shoKH bahaaron ne tartar mujhe
mere wujud mere pyar mere gham ke siwa
nahin hai aur kisi shai ka e'tibar mujhe
wo ek jalan jise kahte hain fikr-o-fan 'wasfi'
us ek jalan ka hai sadiyon se intizar mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
