na karb-e-hijr na kaiffiyat-e-visal mein hun

na karb-e-hijr na kaiffiyat-e-visāl meñ huuñ

mujhe na chheḌiye ab maiñ ajiib haal meñ huuñ

tamām rañg-e-ibārat meñ soz-e-jāñ se mire

maiñ husn-e-zāt huuñ aur manzil-e-jamāl meñ huuñ

mirā vajūd zarūrat hai har zamāne kī

maiñ raushnī kī tarah zehn-e-māh-o-sāl meñ huuñ

abhī vasīl-e-iz.hār DhūñDhtī hai nigāh

abhī savāl kahāñ hasrat-e-savāl meñ huuñ

mujhe na dekh mirī zaat se alag kar ke

maiñ jo bhī kuchh huuñ faqat apne ḳhadd-o-ḳhāl meñ huuñ

maiñ jī rahā huuñ ye merā kamāl hai 'hashrī'

maiñ apne ahd kī tahzīb ke zavāl meñ huuñ

na karb-e-hijr na kaiffiyat-e-visal mein hun

mujhe na chheDiye ab main ajib haal mein hun

tamam rang-e-ibarat mein soz-e-jaan se mere

main husn-e-zat hun aur manzil-e-jamal mein hun

mera wajud zarurat hai har zamane ki

main raushni ki tarah zehn-e-mah-o-sal mein hun

abhi wasil-e-izhaar DhunDhti hai nigah

abhi sawal kahan hasrat-e-sawal mein hun

mujhe na dekh meri zat se alag kar ke

main jo bhi kuchh hun faqat apne KHadd-o-KHal mein hun

main ji raha hun ye mera kamal hai 'hashri'

main apne ahd ki tahzib ke zawal mein hun