na KHatra tirgi se tha na KHatra tirgi ka hai

na ḳhatra tīrgī se thā na ḳhatra tīrgī kā hai

dar-o-dīvār pe pahrā abhī tak raushnī kā hai

nahā kar ḳhuun meñ kāñToñ pe aksar raqs kartā huuñ

ye mastī be-ḳhudī kī hai ye nashsha zindagī kā hai

hai āḳhir kis liye qazzāq-e-ġham paiham ta.āqub meñ

tasarruf meñ hamāre kyā koī lamha ḳhushī kā hai

milūñ kis taur maiñ ḳhud se tashaḳhḳhus kis tarah DhūñDūñ

yahāñ to ā.ina-dar-ā.īna chehra usī kā hai

ye sochā hai ki chal kar dostoñ ke dar pe dastak duuñ

irāda aaj apne aap se kuchh dushmanī kā hai

mirī āñkhoñ ko nisbat hai kisī ḳhurshed paikar se

na ye shoḳhī anā kī hai na ye partav ḳhudī kā hai

yaqīñ āsār lamhoñ par jo sach pūchho to raaz ab tak

hukūmat vahm hī kī hai tasallut ḳhvāb hī kā hai

na KHatra tirgi se tha na KHatra tirgi ka hai

dar-o-diwar pe pahra abhi tak raushni ka hai

naha kar KHun mein kanTon pe aksar raqs karta hun

ye masti be-KHudi ki hai ye nashsha zindagi ka hai

hai aaKHir kis liye qazzaq-e-gham paiham taaqub mein

tasarruf mein hamare kya koi lamha KHushi ka hai

milun kis taur main KHud se tashaKHKHus kis tarah DhunDun

yahan to aaina-dar-aina chehra usi ka hai

ye socha hai ki chal kar doston ke dar pe dastak dun

irada aaj apne aap se kuchh dushmani ka hai

meri aankhon ko nisbat hai kisi KHurshed paikar se

na ye shoKHi ana ki hai na ye partaw KHudi ka hai

yaqin aasar lamhon par jo sach puchho to raaz ab tak

hukumat wahm hi ki hai tasallut KHwab hi ka hai