na KHwahish hai gadai ki na hai arman shahi ka

na ḳhvāhish hai gadā.ī kī na hai armān shāhī kā

ilāhī ishq de bande ko mahbūb-e-ilāhī kā

agar rakkhe tire kūche kī sarhad se qadam bāhar

gumāñ phir ḳhizr par le jaa.eñ ham gum-karda raahī kā

yahāñ to dāġh-e-ḳhūñ dāman se dhoyā tū ne ai hāmil

vahāñ ik din khilegā gul hamārī be-gunāhī kā

bahut āshiq to maqtūl-e-nigāh-o-ġhamza haiñ lekin

ye terā nīm-jāñ bismil hai terī kam-nigāhī kā

ġhulāmī 'ḳhusrav'-e-dehlī kī hai 'mārūf' faḳhr apnā

ki ham āshiq hai ham ma.ashūq mahbūb-e-ilāhī kā

na KHwahish hai gadai ki na hai arman shahi ka

ilahi ishq de bande ko mahbub-e-ilahi ka

agar rakkhe tere kuche ki sarhad se qadam bahar

guman phir KHizr par le jaen hum gum-karda rahi ka

yahan to dagh-e-KHun daman se dhoya tu ne ai hamil

wahan ek din khilega gul hamari be-gunahi ka

bahut aashiq to maqtul-e-nigah-o-ghamza hain lekin

ye tera nim-jaan bismil hai teri kam-nigahi ka

ghulami 'KHusraw'-e-dehli ki hai 'maruf' faKHr apna

ki hum aashiq hai hum mashuq mahbub-e-ilahi ka