na ki fikr din ki na ki raat ki

na kī fikr din kī na kī raat kī

tabhī to huī mo'tabar bandagī

vo khul kar nahīñ kar rahā dushmanī

kare bhī to aise meñ kyā aadmī

hamīñ ne rakhā sar chaḌhā kar use

hamārī hī hone lagī kirkirī

tujhe faisle kā nahīñ iḳhtiyār

tū kar guftugū ko abhī multavī

abhī tak to be-samt hai kārvāñ

to kis kaam kī hai tirī rahbarī

khaḌe haath dariyā ne bhī kar diye

huī rū-barū jab mirī tishnagī

na ki fikr din ki na ki raat ki

tabhi to hui mo'tabar bandagi

wo khul kar nahin kar raha dushmani

kare bhi to aise mein kya aadmi

hamin ne rakha sar chaDha kar use

hamari hi hone lagi kirkiri

tujhe faisle ka nahin iKHtiyar

tu kar guftugu ko abhi multawi

abhi tak to be-samt hai karwan

to kis kaam ki hai teri rahbari

khaDe hath dariya ne bhi kar diye

hui ru-baru jab meri tishnagi