na kisi aqiq ki justuju na kisi guhar ki talash hai

na kisī aqiiq kī justujū na kisī guhar kī talāsh hai

jo kisī kā dard baTā sake mujhe us bashar kī talāsh hai

jahāñ amn-o-ḳhair kī ho fazā jahāñ ek ek pe ho fidā

jahāñ fikr-o-ġham se mile mafar mujhe us nagar kī talāsh hai

jo maiñ phir rahā huuñ galī galī ye na jāniye huuñ junūñ-zada

hai vabāl-e-dosh ye sar mirā kisī sang-e-dar kī talāsh hai

mirā maġhz chāTo na nāseho mujhe chhoḌ do mire haal par

huuñ maiñ dil ke rog meñ mubtalā kisī chārāgar kī talāsh hai

banī baat hasb-e-duā magar na ga.ī hamārī talab abhī

na hue haiñ ḳhuub pe muktafī hameñ ḳhūb-tar kī talāsh hai

na kisi aqiq ki justuju na kisi guhar ki talash hai

jo kisi ka dard baTa sake mujhe us bashar ki talash hai

jahan amn-o-KHair ki ho faza jahan ek ek pe ho fida

jahan fikr-o-gham se mile mafar mujhe us nagar ki talash hai

jo main phir raha hun gali gali ye na jaaniye hun junun-zada

hai wabaal-e-dosh ye sar mera kisi sang-e-dar ki talash hai

mera maghz chaTo na naseho mujhe chhoD do mere haal par

hun main dil ke rog mein mubtala kisi chaaragar ki talash hai

bani baat hasb-e-dua magar na gai hamari talab abhi

na hue hain KHub pe muktafi hamein KHub-tar ki talash hai