na kisi se karam ki umid rakhen na kisi ke sitam ka KHayal karen

na kisī se karam kī umiid rakheñ na kisī ke sitam kā ḳhayāl kareñ

hameñ kaun se ranj mile haiñ na.e ki jo dil ke ziyāñ kā malāl kareñ

abhī sirf ḳhayāl hai ḳhvāb-numā abhī sarf-e-nazar hai sarāb-numā

zarā aur ḳharāb ho vaz-e-junūñ to vo zahmat-e-pursish-e-hāl kareñ

vahī shahr hai shahr ke log vahī ġham-e-ḳhanda o sañg o salīb vahī

yahāñ aa.e haiñ kaun se aise saḳhī ki jo lutf-e-suḳhan kā savāl kareñ

sune kaun ye ta.ana-e-chāra-garī sahe kaun ye dāġh-e-kamāl-e-rafū

chalo dard-e-vajūd jagā.eñ sahar chalo zaḳhm-e-hayāt bahāl kareñ

na kisi se karam ki umid rakhen na kisi ke sitam ka KHayal karen

hamein kaun se ranj mile hain nae ki jo dil ke ziyan ka malal karen

abhi sirf KHayal hai KHwab-numa abhi sarf-e-nazar hai sarab-numa

zara aur KHarab ho waz-e-junun to wo zahmat-e-pursish-e-haal karen

wahi shahr hai shahr ke log wahi gham-e-KHanda o sang o salib wahi

yahan aae hain kaun se aise saKHi ki jo lutf-e-suKHan ka sawal karen

sune kaun ye tana-e-chaara-gari sahe kaun ye dagh-e-kamal-e-rafu

chalo dard-e-wajud jagaen sahar chalo zaKHm-e-hayat bahaal karen