na koi KHwab kamaya na aankh Khaali hui

na koī ḳhvāb kamāyā na aañkh ḳhālī huī

tumhāre saath hamārī bhī raat kaalī huī

ḳhudā kā shukr adā kar vo bevafā niklā

ḳhushī manā ki tirī jaan kī bahālī huī

zarā se ḳhvāb bune the ki saañs phuul ga.ī

qadam dukāñ pe rakhā thā ki jeb ḳhālī huī

vafā ke baare meñ logoñ kī raa.e Thiik nahīñ

briādrī se ye ḳhātūn hai nikālī huī

tumhī to sar pe biThā.e hue the duniyā ko

tumhī pe bhauñk rahī hai tumhārī paalī huī

maiñ kaise dekhūñ ravā-dāriyoñ ko miTte hue

ye dāġh-bel hai mere baḌoñ kī Daalī huī

jo ahl-e-naqd-o-nazar haiñ idhar bhī ġhaur kareñ

ki ye ġhazal bhī hai tarkīb se nikālī huī

ye qāfiya baḌī diqqat ke saath nazm huā

baḌe hunar se ye aurat mrs 'jamālī' huī

na koi KHwab kamaya na aankh KHali hui

tumhaare sath hamari bhi raat kali hui

KHuda ka shukr ada kar wo bewafa nikla

KHushi mana ki teri jaan ki bahaali hui

zara se KHwab bune the ki sans phul gai

qadam dukan pe rakha tha ki jeb KHali hui

wafa ke bare mein logon ki rae Thik nahin

briadri se ye KHatun hai nikali hui

tumhi to sar pe biThae hue the duniya ko

tumhi pe bhaunk rahi hai tumhaari pali hui

main kaise dekhun rawa-dariyon ko miTte hue

ye dagh-bel hai mere baDon ki Dali hui

jo ahl-e-naqd-o-nazar hain idhar bhi ghaur karen

ki ye ghazal bhi hai tarkib se nikali hui

ye qafiya baDi diqqat ke sath nazm hua

baDe hunar se ye aurat mrs 'jamali' hui