na koi KHwab na mazi hi mere haal ke pas

na koī ḳhvāb na maazī hī mere haal ke paas

koī kamāl na Thahrā mire zavāl ke paas

na mīThe lafz na lahja hī indimāl ke paas

javāb kā to guzar bhī nahīñ savāl ke paas

firāq o vasl ke ma.anī badal ke rakh degā

tire ḳhayāl kā honā mire ḳhayāl ke paas

masarratoñ ke dukhoñ kā to zikr bhī bekār

kahāñ hai koī mudāvā kisī malāl ke paas

nahīñ hai koī bhī sarhad mire junūñ aage

jahān-e-husn-e-jahāñ hai tire jamāl ke paas

shikāriyoñ kī ummīdeñ sañvartī rahtī haiñ

tuyūr ghūmte phirte haiñ ḳhuub jaal ke paas

tumhāre lafz use khīñchte to the 'shahpar'

junūb kaise pahuñchtā magar shumāl ke paas

na koi KHwab na mazi hi mere haal ke pas

koi kamal na Thahra mere zawal ke pas

na miThe lafz na lahja hi indimal ke pas

jawab ka to guzar bhi nahin sawal ke pas

firaq o wasl ke mani badal ke rakh dega

tere KHayal ka hona mere KHayal ke pas

masarraton ke dukhon ka to zikr bhi bekar

kahan hai koi mudawa kisi malal ke pas

nahin hai koi bhi sarhad mere junun aage

jahan-e-husn-e-jahan hai tere jamal ke pas

shikariyon ki ummiden sanwarti rahti hain

tuyur ghumte phirte hain KHub jal ke pas

tumhaare lafz use khinchte to the 'shahpar'

junub kaise pahunchta magar shumal ke pas