na koi mehrban apna na koi raaz-dan apna

na koī mehrbāñ apnā na koī rāz-dāñ apnā

jise samjhe the apnā dil vo dil bhī ab kahāñ apnā

jo ho chashm-e-karam terī jo ho tū mehrbāñ apnā

zamīñ apnī falak apnā makīñ apne makāñ apnā

vo le kar aa.ina baiThe the lene imtihāñ apnā

kiyā hāthoñ se apne dāman-e-dil dhajjiyāñ apnā

bhaTakte phir rahe haiñ justujū-e-yār meñ ab tak

kahīñ Tikne nahīñ detā hameñ vahm-o-gumāñ apnā

javānī meñ kise nekī badī kā hosh hotā hai

javānī meñ nahīñ kuchh sūjhtā sūd-o-ziyāñ apnā

zamāne ne vo karvaT merī duniyā badal Daalī

na ab hai rāz-dāñ koī na koī mehrbāñ apnā

kisī ko yaad ham aate nahīñ is anjuman meñ ab

ba-hamdillāh zikr-e-ḳhair rahtā thā jahāñ apnā

vo gul haiñ ham gulistāñ se uḌe yuuñ bū-e-gul ban kar

na DhūñDe se milā gulchīñ ko phir nām-o-nishāñ apnā

mazā ustād ke she'roñ kā ham ko 'shād' aatā hai

vo hai tarz-e-suḳhan apnī vo hai rañg-e-bayāñ apnā

na koi mehrban apna na koi raaz-dan apna

jise samjhe the apna dil wo dil bhi ab kahan apna

jo ho chashm-e-karam teri jo ho tu mehrban apna

zamin apni falak apna makin apne makan apna

wo le kar aaina baiThe the lene imtihan apna

kiya hathon se apne daman-e-dil dhajjiyan apna

bhaTakte phir rahe hain justuju-e-yar mein ab tak

kahin Tikne nahin deta hamein wahm-o-guman apna

jawani mein kise neki badi ka hosh hota hai

jawani mein nahin kuchh sujhta sud-o-ziyan apna

zamane ne wo karwaT meri duniya badal Dali

na ab hai raaz-dan koi na koi mehrban apna

kisi ko yaad hum aate nahin is anjuman mein ab

ba-hamdillah zikr-e-KHair rahta tha jahan apna

wo gul hain hum gulistan se uDe yun bu-e-gul ban kar

na DhunDe se mila gulchin ko phir nam-o-nishan apna

maza ustad ke she'ron ka hum ko 'shad' aata hai

wo hai tarz-e-suKHan apni wo hai rang-e-bayan apna