na koi sham thi us din ki na sawera tha

na koī shaam thī us din kī na saverā thā

na koī aks thā us meñ na koī chehra thā

shab-e-ḳhayāl meñ kuchh tairtī sī kirneñ thī

farāz-e-fikr ke uupar charāġh merā thā

sitāre dekh ke us ko charāġh-pā the bahut

vo chāñd apnī havelī se aaj niklā thā

havā kī zad meñ the jitne bhī diip the us ke

sulag rahā thā jo dil meñ charāġh merā thā

ajiib tarah ke na.are lagā rahī thī shaam

aur ik udaas parinda shajar pe baiThā thā

tum aa.e ho to sunī chaap apne qadmoñ kī

bahut dinoñ se mujhe intizār merā thā

gulāb rang the shabnam ke paañv the us ke

vo chāñdnī kā badan kis qadar sunahrā thā

na koi sham thi us din ki na sawera tha

na koi aks tha us mein na koi chehra tha

shab-e-KHayal mein kuchh tairti si kirnen thi

faraaz-e-fikr ke upar charagh mera tha

sitare dekh ke us ko charagh-pa the bahut

wo chand apni haweli se aaj nikla tha

hawa ki zad mein the jitne bhi dip the us ke

sulag raha tha jo dil mein charagh mera tha

ajib tarah ke nare laga rahi thi sham

aur ek udas parinda shajar pe baiTha tha

tum aae ho to suni chap apne qadmon ki

bahut dinon se mujhe intizar mera tha

gulab rang the shabnam ke panw the us ke

wo chandni ka badan kis qadar sunahra tha