na koi shaKHs na saya kahin nagar mein tha
na koī shaḳhs na saaya kahīñ nagar meñ thā
balā kā ḳhvāb-e-tamāshā mirī nazar meñ thā
ubharte Dūbte rishtoñ kī dhuup chhāñv meñ
ik ajnabī kī tarah maiñ bhī apne ghar meñ thā
saroñ ke phuul kī bārish na tham sakī āḳhir
umaDte daar kā sāvan mire nagar meñ thā
taḌap rahī thiiñ darīchoñ meñ Dūbtī kirneñ
guzarte vaqt kā sūraj kahīñ khañDar meñ thā
pukār leñ na kahīñ dhuup meñ ghanī shāḳheñ
bas ek ḳhauf yahī dosto safar meñ thā
na koi shaKHs na saya kahin nagar mein tha
bala ka KHwab-e-tamasha meri nazar mein tha
ubharte Dubte rishton ki dhup chhanw mein
ek ajnabi ki tarah main bhi apne ghar mein tha
saron ke phul ki barish na tham saki aaKHir
umaDte dar ka sawan mere nagar mein tha
taDap rahi thin darichon mein Dubti kirnen
guzarte waqt ka suraj kahin khanDar mein tha
pukar len na kahin dhup mein ghani shaKHen
bas ek KHauf yahi dosto safar mein tha
- Book : Sahil se duur (Pg. 34)
- Author : Shamshaad sahar
- Publication : Urdu Markaz, 15 chajju Bag, Patna (1996)
- Edition : 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
