na mana mera kahna dil gaya kyun dad-KHwahi ko

na maanā merā kahnā dil gayā kyuuñ dād-ḳhvāhī ko

sazā dete haiñ vaañ mujrim banā kar be-gunāhī ko

hamārī be-kasī ne chhān Daalā hai jahāñ saarā

sivā tere Thikānā hī nahīñ hai be-panāhī ko

qayāmat meñ vo mujh ko dekh kar kahte haiñ ġhairoñ se

ḳhudā kī shaan hai āshiq chale haiñ dād-ḳhvāhī ko

uḌaa.ī ḳhaak us kī ḳhuub jā kar koh-o-sahrā meñ

dil-e-vahshī ne kyā ulTe diye chakkar tabāhī ko

ujaḌ jā.egā jis din kārḳhāna bāda-ḳhvāroñ kā

bahut ro.egā saaqī kashtī-e-mai kī tabāhī ko

burā ho rashk kā rahbar samajh kar dil se jo pūchhā

adam kā rāsta batlā diyā gum-gashta-rāhī ko

na mana mera kahna dil gaya kyun dad-KHwahi ko

saza dete hain wan mujrim bana kar be-gunahi ko

hamari be-kasi ne chhan Dala hai jahan sara

siwa tere Thikana hi nahin hai be-panahi ko

qayamat mein wo mujh ko dekh kar kahte hain ghairon se

KHuda ki shan hai aashiq chale hain dad-KHwahi ko

uDai KHak us ki KHub ja kar koh-o-sahra mein

dil-e-wahshi ne kya ulTe diye chakkar tabahi ko

ujaD jaega jis din karKHana baada-KHwaron ka

bahut roega saqi kashti-e-mai ki tabahi ko

bura ho rashk ka rahbar samajh kar dil se jo puchha

adam ka rasta batla diya gum-gashta-rahi ko