na mujhe idhar ki talash hai na mujhe udhar ki talash hai

na mujhe idhar kī talāsh hai na mujhe udhar kī talāsh hai

ye talāsh sab dil-e-be-ḳhabar dil-e-be-ḳhabar kī talāsh hai

hai azal se dil meñ muqīm tū tirī bhuul hai tirī justujū

koī justujū hai ye justujū tujhe apne ghar kī talāsh hai

rahī darmiyāñ jo duī to kyā jo nazar na ek huī to kyā

na ho imtiyāz nigāh meñ mujhe us nazar kī talāsh hai

dar-e-dair hai jo kisī kā dar dar-e-ka.aba hai jo kisī kā sar

jo baham ho donoñ kā āstāñ mujhe aise dar kī talāsh hai

ye hai ḳhud hijāb tirī ḳhudī tirā vahm hai tirī gumrahī

tū ḳhud aap apnā hai rahnumā tujhe rāhbar kī talāsh hai

tū hai shaiḳh tālib-e-zāhidī mirī dastgīr hai be-parī

mirī be-parī mire bāl-o-par tujhe bāl-o-par kī talāsh hai

jo guloñ ke husn meñ hai ayaañ dil-e-andalīb meñ hai nihāñ

jo hai kār-gāh-e-jahāñ kī jaañ mujhe us sharar kī talāsh hai

jo ḳhizāñ meñ ḳhufta haiñ shorisheñ vahīñ hashr-o-nashr-e-bahār haiñ

ye vo rāz-e-fitrat-e-ġhaib hai jise dīda-var kī talāsh hai

yahī ek raaz hai hastī-e-gul-e-nau-damīda kā ai sahar

ki payām-e-ġhuncha ko gul-kade meñ payāmbar kī talāsh hai

tujhe ham-nashīñ hai us āb-o-gil ke tilism meñ ġham-e-barhamī

mujhe us ke naqsh-o-nigār meñ kisī kūza-gar kī talāsh hai

rahe us kī rahmat-e-ām par hī nigāh-e-'aiman'-e-munfa.il

yahī ek dāman-e-ḳhās hai jise ashk-e-tar kī talāsh hai

na mujhe idhar ki talash hai na mujhe udhar ki talash hai

ye talash sab dil-e-be-KHabar dil-e-be-KHabar ki talash hai

hai azal se dil mein muqim tu teri bhul hai teri justuju

koi justuju hai ye justuju tujhe apne ghar ki talash hai

rahi darmiyan jo dui to kya jo nazar na ek hui to kya

na ho imtiyaz nigah mein mujhe us nazar ki talash hai

dar-e-dair hai jo kisi ka dar dar-e-kaba hai jo kisi ka sar

jo baham ho donon ka aastan mujhe aise dar ki talash hai

ye hai KHud hijab teri KHudi tera wahm hai teri gumrahi

tu KHud aap apna hai rahnuma tujhe rahbar ki talash hai

tu hai shaiKH talib-e-zahidi meri dastgir hai be-pari

meri be-pari mere baal-o-par tujhe baal-o-par ki talash hai

jo gulon ke husn mein hai ayan dil-e-andalib mein hai nihan

jo hai kar-gah-e-jahan ki jaan mujhe us sharar ki talash hai

jo KHizan mein KHufta hain shorishen wahin hashr-o-nashr-e-bahaar hain

ye wo raaz-e-fitrat-e-ghaib hai jise dida-war ki talash hai

yahi ek raaz hai hasti-e-gul-e-nau-damida ka ai sahar

ki payam-e-ghuncha ko gul-kade mein payambar ki talash hai

tujhe ham-nashin hai us aab-o-gil ke tilism mein gham-e-barhami

mujhe us ke naqsh-o-nigar mein kisi kuza-gar ki talash hai

rahe us ki rahmat-e-am par hi nigah-e-'aiman'-e-munfail

yahi ek daman-e-KHas hai jise ashk-e-tar ki talash hai