na puchh usne hai kya kuchh kaha mohabbat ko

na pūchh us ne hai kyā kuchh kahā mohabbat ko

hamāre sāmne rusvā kiyā mohabbat ko

hamāre paas duā māñgne kā vaqt nahīñ

ab aap aasrā degā ḳhudā mohabbat ko

tū mujh ko chhoḌ to phir is tarah se chhoḌ ki maiñ

galī galī meñ phirūñ kostā mohabbat ko

ham aise log hī zehnī marīz hote haiñ

jo mānte haiñ baḌā aasrā mohabbat ko

hamārī aañkh meñ utre haiñ saat rañg ke ḳhvāb

hamārā haq hai ki ham deñ duā mohabbat ko

tamām log use zindagī bulāte the

kisī kisī ne kahā hādisa mohabbat ko

tumhāre shahr meñ but the so kaam aa na sake

daraḳht hote to dete havā mohabbat ko

hamāre ba.ad koī sar-parast mil na sakā

yatīm-ḳhāne meñ rakkhā gayā mohabbat ko

'hasīb' us se yahī soch kar nahīñ milte

kahāñ vo rakkhegā ġhurbat-zada mohabbat ko

na puchh us ne hai kya kuchh kaha mohabbat ko

hamare samne ruswa kiya mohabbat ko

hamare pas dua mangne ka waqt nahin

ab aap aasra dega KHuda mohabbat ko

tu mujh ko chhoD to phir is tarah se chhoD ki main

gali gali mein phirun kosta mohabbat ko

hum aise log hi zehni mariz hote hain

jo mante hain baDa aasra mohabbat ko

hamari aankh mein utre hain sat rang ke KHwab

hamara haq hai ki hum den dua mohabbat ko

tamam log use zindagi bulate the

kisi kisi ne kaha hadisa mohabbat ko

tumhaare shahr mein but the so kaam aa na sake

daraKHt hote to dete hawa mohabbat ko

hamare baad koi sar-parast mil na saka

yatim-KHane mein rakkha gaya mohabbat ko

'hasib' us se yahi soch kar nahin milte

kahan wo rakkhega ghurbat-zada mohabbat ko