na puchho hae kis mushkil se Tala apne mehman ko

na pūchho haa.e kis mushkil se Taalā apne mehmāñ ko

nikal kar aap se ham ne nikālā dil se armāñ ko

ġhazab kā rang laa.ī hai mirī vahshat kī betābi

ki saayā bhāgtā hai mujh se pahle hī bayābāñ ko

bahut achchhā huā ik shaġhl-e-fursat mil gayā zālim

tire shauq-e-taġhāful ko mire zauq-e-tan-āsāñ ko

jo Tapkā aañkh se merī to bas paañv se mal Daalā

samajhte haiñ hinā vo ḳhūn-e-hasrat-hā-e-pinhāñ ko

ḳhayāl-e-zulf ne 'taufīq' aisā silsila toḌā

pareshāñ kar diyā majmūa-e-ḳhvāb-e-pareshāñ ko

na puchho hae kis mushkil se Tala apne mehman ko

nikal kar aap se hum ne nikala dil se arman ko

ghazab ka rang lai hai meri wahshat ki betabi

ki saya bhagta hai mujh se pahle hi bayaban ko

bahut achchha hua ek shaghl-e-fursat mil gaya zalim

tere shauq-e-taghaful ko mere zauq-e-tan-asan ko

jo Tapka aankh se meri to bas panw se mal Dala

samajhte hain hina wo KHun-e-hasrat-ha-e-pinhan ko

KHayal-e-zulf ne 'taufiq' aisa silsila toDa

pareshan kar diya majmua-e-KHwab-e-pareshan ko