na puchho kaise pai hai bahaar-e-gulsitan humne

na pūchho kaise paa.ī hai bahār-e-gulsitāñ ham ne

bahut mushkil diye haiñ is kī ḳhātir imtihāñ ham ne

mohabbat kī haqīqat kaise batlā.eñ jahāñ vāloñ

ḳhud apnā rāh-e-ulfat meñ luTāyā hai jahāñ ham ne

mohabbat se isī baa.is bachāyā apne dāman ko

ġham-e-furqat meñ aksar Duube dekhe naujavāñ ham ne

rahe mahfūz har dam bijliyoñ kī zad se ai maulā

fanā karke bahut kuchh phir banāyā āshiyāñ ham ne

zabāñ kholī nahīñ 'hassān' un ke rū-ba-rū ham ne

ishāroñ hī ishāroñ meñ sunā dī dāstāñ ham ne

na puchho kaise pai hai bahaar-e-gulsitan hum ne

bahut mushkil diye hain is ki KHatir imtihan hum ne

mohabbat ki haqiqat kaise batlaen jahan walon

KHud apna rah-e-ulfat mein luTaya hai jahan hum ne

mohabbat se isi bais bachaya apne daman ko

gham-e-furqat mein aksar Dube dekhe naujawan hum ne

rahe mahfuz har dam bijliyon ki zad se ai maula

fana karke bahut kuchh phir banaya aashiyan hum ne

zaban kholi nahin 'hassan' un ke ru-ba-ru hum ne

ishaaron hi ishaaron mein suna di dastan hum ne