na qafas mein na aashiyane mein

na qafas meñ na āshiyāne meñ

chain miltā kahāñ zamāne meñ

jo bhī tasvīr hai vo gard-ālūd

jab bhī dekhā nigār-ḳhāne meñ

sar uThāyā to jhuk gayā aalam

miT gayā huuñ to sar jhukāne meñ

ho ga.e ham qafas ke bāshinde

bas ga.e log āshiyāne meñ

chhoḌte vaqt chand par apne

rakh diye ham ne āshiyāne meñ

bazm meñ har nigāh badlī huī

ḳhair apnī hai lauT jaane meñ

shahr meñ jab kahīñ bhī aag lagī

haath mere jale bujhāne meñ

mehrbāñ haiñ vo mujh pe phir bhī 'kamal'

dil laraztā hai paas jaane meñ

na qafas mein na aashiyane mein

chain milta kahan zamane mein

jo bhi taswir hai wo gard-alud

jab bhi dekha nigar-KHane mein

sar uThaya to jhuk gaya aalam

miT gaya hun to sar jhukane mein

ho gae hum qafas ke bashinde

bas gae log aashiyane mein

chhoDte waqt chand par apne

rakh diye hum ne aashiyane mein

bazm mein har nigah badli hui

KHair apni hai lauT jaane mein

shahr mein jab kahin bhi aag lagi

hath mere jale bujhane mein

mehrban hain wo mujh pe phir bhi 'kamal'

dil larazta hai pas jaane mein