na qarib aa na to dur ja ye jo fasla hai ye Thik hai

na qarīb aa na to duur jā ye jo fāsla hai ye Thiik hai

na guzar hadoñ se na had batā yahī dā.era hai ye Thiik hai

na to āshnā na hī ajnabī na koī badan hai na ruuh hī

yahī zindagī kā hai falsafa ye jo falsafa hai ye Thiik hai

ye zarūratoñ kā hī rishta hai ye zarūrī rishta to hai nahīñ

ye zarūrateñ hī zarūrī haiñ ye jo vāsta hai ye Thiik hai

merī mushkiloñ se tujhe hai kyā terī uljhanoñ se mujhe hai kyā

ye takallufāt se milne kā jo bhī silsila hai ye Thiik hai

ham alag alag hue haiñ magar abhī kañpkañpātī hai ye nazar

abhī apne biich hai kaafī kuchh jo bhī rah gayā hai ye Thiik hai

mirī fitratoñ meñ hī kufr hai mirī ādatoñ meñ hī uzr hai

binā soche maiñ kahūñ kis tarah jo likhā huā hai ye Thiik hai

na qarib aa na to dur ja ye jo fasla hai ye Thik hai

na guzar hadon se na had bata yahi daera hai ye Thik hai

na to aashna na hi ajnabi na koi badan hai na ruh hi

yahi zindagi ka hai falsafa ye jo falsafa hai ye Thik hai

ye zaruraton ka hi rishta hai ye zaruri rishta to hai nahin

ye zaruraten hi zaruri hain ye jo wasta hai ye Thik hai

meri mushkilon se tujhe hai kya teri uljhanon se mujhe hai kya

ye takallufat se milne ka jo bhi silsila hai ye Thik hai

hum alag alag hue hain magar abhi kanpkanpati hai ye nazar

abhi apne bich hai kafi kuchh jo bhi rah gaya hai ye Thik hai

meri fitraton mein hi kufr hai meri aadaton mein hi uzr hai

bina soche main kahun kis tarah jo likha hua hai ye Thik hai