na rahbar ne na uski rahbari ne

na rahbar ne na us kī rahbarī ne

mujhe manzil 'atā kī gumrahī ne

banā Daalā zamāne bhar ko dushman

faqat ik ajnabī kī dostī ne

vo kyuuñ muhtāj ho shams-o-qamar kā

jilā baḳhshī ho jis ko tīrgī ne

badan kāñToñ se kar Daalā hai chhalnī

hamārā gul-ruḳhoñ kī dostī ne

badal Daalā mazāq-e-gul-parastī

chaman meñ adh-khilī sī ik kalī ne

qayāmat ban ga.ī rahmat sarāpā

kyā kiyā aap kī ham-sā.egī ne

shikāyat barq kī ai 'barq' kaisī?

mujhe phūñkā hai gul kī pankhuḌī ne

na rahbar ne na us ki rahbari ne

mujhe manzil 'ata ki gumrahi ne

bana Dala zamane bhar ko dushman

faqat ek ajnabi ki dosti ne

wo kyun muhtaj ho shams-o-qamar ka

jila baKHshi ho jis ko tirgi ne

badan kanTon se kar Dala hai chhalni

hamara gul-ruKHon ki dosti ne

badal Dala mazaq-e-gul-parasti

chaman mein adh-khili si ek kali ne

qayamat ban gai rahmat sarapa

kya kiya aap ki ham-saegi ne

shikayat barq ki ai 'barq' kaisi?

mujhe phunka hai gul ki pankhuDi ne