na rahe zaban pe qahqahe na kabhi labon pe hansi rahi

na rahe zabān pe qahqahe na kabhī laboñ pe hañsī rahī

jo rahā to muddatoñ ġham rahā koī lamha bhar na ḳhushī rahī

maiñ akelā rāh-e-hayāt meñ ka.ī manziloñ se guzar gayā

na kisī ne haal pe kī nazar na kisī kī rāhbarī rahī

kisī dil pe tiir sā chal gayā kisī dil kā zaḳhm ubhar gayā

mirī baat chubhtī rahī bahut mirī baat chūñki kharī rahī

ye baḌī ajiib sī baat hai jo tamām umr satā.egī

jo milā mujhe so bahut milā magar ek terī kamī rahī

ka.ī log dūr-darāz se mujhe yaad karte haiñ pyaar se

jo rahī to mere hī shahr meñ baḌī merī be-qadarī rahī

na rahe zaban pe qahqahe na kabhi labon pe hansi rahi

jo raha to muddaton gham raha koi lamha bhar na KHushi rahi

main akela rah-e-hayat mein kai manzilon se guzar gaya

na kisi ne haal pe ki nazar na kisi ki rahbari rahi

kisi dil pe tir sa chal gaya kisi dil ka zaKHm ubhar gaya

meri baat chubhti rahi bahut meri baat chunki khari rahi

ye baDi ajib si baat hai jo tamam umr sataegi

jo mila mujhe so bahut mila magar ek teri kami rahi

kai log dur-daraaz se mujhe yaad karte hain pyar se

jo rahi to mere hi shahr mein baDi meri be-qadari rahi