na rakhe jab ki wo bebak lihaz

na rakhe jab ki vo bebāk lihāz

kahiye āshiq ko rahe ḳhaak lihāz

tā-ba-ke shikva-e-gardish na kareñ

kab tak ai gardish-e-aflāk lihāz

rū-ba-rū ġhair ke ronā kyā hai

chāhiye dīda-e-namnāk lihāz

ab ke ik shor namak par hogā

na rakheñge ye jigar-chāk lihāz

aañkh uThā kar bhī na dekhā dam-e-qatl

dekh apnā but-e-saffāk lihāz

kyoñ na pāmāl hoñ ham jab ki tirā

na kare tausan-e-chālāk lihāz

chashm-e-maḳhmūr pe har-dam hai nigāh

kyā rahe pī ke mai-e-tāk lihāz

ai 'hayā' ab na kahūñ kyūñkar haal

jaañ laboñ par hai karūñ ḳhaak lihāz

na rakhe jab ki wo bebak lihaz

kahiye aashiq ko rahe KHak lihaz

ta-ba-ke shikwa-e-gardish na karen

kab tak ai gardish-e-aflak lihaz

ru-ba-ru ghair ke rona kya hai

chahiye dida-e-namnak lihaz

ab ke ek shor namak par hoga

na rakhenge ye jigar-chaak lihaz

aankh uTha kar bhi na dekha dam-e-qatl

dekh apna but-e-saffak lihaz

kyon na pamal hon hum jab ki tera

na kare tausan-e-chaalak lihaz

chashm-e-maKHmur pe har-dam hai nigah

kya rahe pi ke mai-e-tak lihaz

ai 'haya' ab na kahun kyunkar haal

jaan labon par hai karun KHak lihaz