na raushni hai ziyaada na saKHt andhera hai

na raushnī hai ziyāda na saḳht añdherā hai

ye ġham kī shaam hai yā dard kā saverā hai

javāñ huā to hijāboñ ne Dhak liyā us ko

ab is ke baa’d vo dil terā hai na merā hai

hameñ milī bhī to rahne ko zindagī kī galī

bad aur nek 'amal kā jahāñ pe pherā hai

ḳhud apne ḳhuun se sīñchā hai zindagī kā shajar

jo hasratoñ ke parindoñ kā ab baserā hai

bachī hai dil meñ faqat ik kiran masarrat kī

ise bhī yaas kī badlī ne aan gherā hai

ham is qadar bhī akele nahīñ rahe 'bebāk'

dimāġh-o-dil meñ ḳhalā aur hū kā Derā hai

na raushni hai ziyaada na saKHt andhera hai

ye gham ki sham hai ya dard ka sawera hai

jawan hua to hijabon ne Dhak liya us ko

ab is ke ba’d wo dil tera hai na mera hai

hamein mili bhi to rahne ko zindagi ki gali

bad aur nek 'amal ka jahan pe phera hai

KHud apne KHun se sincha hai zindagi ka shajar

jo hasraton ke parindon ka ab basera hai

bachi hai dil mein faqat ek kiran masarrat ki

ise bhi yas ki badli ne aan ghera hai

hum is qadar bhi akele nahin rahe 'bebak'

dimagh-o-dil mein KHala aur hu ka Dera hai