na ro ai dil tere rone se kyon ho mehrban koi

na ro ai dil tire rone se kyoñ ho mehrbāñ koī

yahāñ na ham-zabāñ koī na terā rāzdāñ koī

riyā-kārī se bachne ke liye ho āstāñ aisā

jahāñ māthe pe qashqa ho na sajde kā nishān koī

guloñ kā rang piilā hai ḳhizāñ kā daur-daura hai

chaman kī ābyārī ko nahīñ hai bāġhbāñ koī

makāñ kī is qadar ujlat tirī duniyā meñ ai mālik

ki ba.ad-az-marg bhī miltā nahīñ ḳhālī makāñ koī

kahāñ kī rahbarī kaisī qayādat kyā qayādat meñ

'sahar' pahuñchā bhī hai manzil pe ab tak kārvāñ koī

na ro ai dil tere rone se kyon ho mehrban koi

yahan na ham-zaban koi na tera raazdan koi

riya-kari se bachne ke liye ho aastan aisa

jahan mathe pe qashqa ho na sajde ka nishan koi

gulon ka rang pila hai KHizan ka daur-daura hai

chaman ki aabyari ko nahin hai baghban koi

makan ki is qadar ujlat teri duniya mein ai malik

ki baad-az-marg bhi milta nahin KHali makan koi

kahan ki rahbari kaisi qayaadat kya qayaadat mein

'sahar' pahuncha bhi hai manzil pe ab tak karwan koi