na shab-o-roz hi badle hain na haal achchha hai

na shab-o-roz hī badle haiñ na haal achchhā hai

kis barahman ne kahā thā ki ye saal achchhā hai

ham ki donoñ ke giraftār rahe jānte haiñ

dām-e-duniyā se kahīñ zulf kā jaal achchhā hai

maiñ ne pūchhā thā ki āḳhir ye taġhāful kab tak

muskurāte hue bole ki savāl achchhā hai

lazzateñ qurb-o-judā.ī kī haiñ apnī apnī

mustaqil hijr hī achchhā na visāl achchhā hai

rahravān-e-rah-eulfat kā muqaddar ma.alūm

in kā āġhāz hī achchhā na ma.aal achchhā hai

dostī apnī jagah par ye haqīqat hai 'farāz'

tirī ġhazloñ se kahīñ terā ġhazāl achchhā hai

na shab-o-roz hi badle hain na haal achchha hai

kis barahman ne kaha tha ki ye sal achchha hai

hum ki donon ke giraftar rahe jaante hain

dam-e-duniya se kahin zulf ka jal achchha hai

main ne puchha tha ki aaKHir ye taghaful kab tak

muskuraate hue bole ki sawal achchha hai

lazzaten qurb-o-judai ki hain apni apni

mustaqil hijr hi achchha na visal achchha hai

rahrawan-e-rah-eulfat ka muqaddar malum

in ka aaghaz hi achchha na maal achchha hai

dosti apni jagah par ye haqiqat hai 'faraaz'

teri ghazlon se kahin tera ghazal achchha hai