na taKHt-o-taj na daulat ka tazkira paDh kar

na taḳht-o-tāj na daulat kā tazkira paḌh kar

javāñ huā maiñ mohabbat kā qā.eda paḌh kar

na apne jism pe ta.avīz bāñdh kar rakkhe

na Dāñvāñ-Dol huā koī zā.icha paḌh kar

duā bhī miltī rahī mujh ko mere logoñ kī

davā bhī letā rahā us kā fā.eda paḌh kar

milegā mujh ko vahī jo mire nasīb meñ hai

maiñ sar-nigūñ na huā terā martaba paḌh ke

kaḌā hai vaqt to āsāniyāñ bhī ā.eñgī

maiñ nāla-kash na huā koī sāneha paḌh kar

batā rahā huuñ tujhe jo ki tajraboñ se milā

mubāhisa to na kar ik kitābcha paḌh kar

na taKHt-o-taj na daulat ka tazkira paDh kar

jawan hua main mohabbat ka qaeda paDh kar

na apne jism pe tawiz bandh kar rakkhe

na Danwan-Dol hua koi zaicha paDh kar

dua bhi milti rahi mujh ko mere logon ki

dawa bhi leta raha us ka faeda paDh kar

milega mujh ko wahi jo mere nasib mein hai

main sar-nigun na hua tera martaba paDh ke

kaDa hai waqt to aasaniyan bhi aaengi

main nala-kash na hua koi saneha paDh kar

bata raha hun tujhe jo ki tajrabon se mila

mubahisa to na kar ek kitabcha paDh kar