na tha hausla ki karte tere ishq ka iada

na thā hausla ki karte tire ishq kā i.aada

ki firāq ke safar par chale ham the pā-piyāda

tire qurb ke fusūñ kī haiñ hadeñ jo kuchh muqarrar

mirī ḳhvāhishoñ se kam haiñ mirī taab se ziyāda

vahī silsile purāne nahīñ ustuvār hoñge

ki jo toḌ Daale rishte sabhī tū ne bil-irāda

tū ne kar liyā thā va.ada be-sabāt zindagī meñ

nahīñ jāntā thā tū bhī na nibhā sakegā va.ada

na ḳhudā kī thī razā ye ki mirā baneñ muqaddar

vo siyāh gahrī āñkheñ vo jabīñ jo thī kushāda

tū mizāj kī tapish se jo jalā chukā hai dil ko

sabhī jal bujhe haiñ armāñ bachī raakh yā burāda

mire zehn meñ haiñ 'shamsa' mujhe bhūlte vo kaise

kabhī ishq meñ jo tū ne kahe kuchh the harf saada

na tha hausla ki karte tere ishq ka iada

ki firaq ke safar par chale hum the pa-piyaada

tere qurb ke fusun ki hain haden jo kuchh muqarrar

meri KHwahishon se kam hain meri tab se ziyaada

wahi silsile purane nahin ustuwar honge

ki jo toD Dale rishte sabhi tu ne bil-irada

tu ne kar liya tha wada be-sabaat zindagi mein

nahin jaanta tha tu bhi na nibha sakega wada

na KHuda ki thi raza ye ki mera banen muqaddar

wo siyah gahri aankhen wo jabin jo thi kushada

tu mizaj ki tapish se jo jala chuka hai dil ko

sabhi jal bujhe hain arman bachi rakh ya burada

mere zehn mein hain 'shamsa' mujhe bhulte wo kaise

kabhi ishq mein jo tu ne kahe kuchh the harf sada