na thakta hai na rukta hai ki bhaga ja raha hai

na thaktā hai na ruktā hai ki bhāgā jā rahā hai

ye pahiyā zindagī ka roz chaltā jā rahā hai

hamāre bin tumhārī bhī to ḳhushiyāñ lauT aa.iiñ

tumhāre bin hamārā bhī ab achchhā jā rahā hai

musāfir huuñ nayā be-shak magar bhaTkā nahīñ huuñ

mujhe ma.alūm hai kis or rastā jā rahā hai

vo kis ko chāhtī hai ye kisī ko hai ḳhabar bhī

yā bas yūñhī havā meñ tiir maarā jā rahā hai

ki bas lagtā rahe sab ko ki ham bhī paḌh rahe haiñ

dikhāve ke liye pannoñ ko palTā jā rahā hai

mubārak ho raho ab chain se duniyā ke logo

tumheñ jis se shikāyat thī vo laḌkā jā rahā hai

na thakta hai na rukta hai ki bhaga ja raha hai

ye pahiya zindagi ka roz chalta ja raha hai

hamare bin tumhaari bhi to KHushiyan lauT aain

tumhaare bin hamara bhi ab achchha ja raha hai

musafir hun naya be-shak magar bhaTka nahin hun

mujhe malum hai kis or rasta ja raha hai

wo kis ko chahti hai ye kisi ko hai KHabar bhi

ya bas yunhi hawa mein tir mara ja raha hai

ki bas lagta rahe sab ko ki hum bhi paDh rahe hain

dikhawe ke liye pannon ko palTa ja raha hai

mubarak ho raho ab chain se duniya ke logo

tumhein jis se shikayat thi wo laDka ja raha hai