na to piste hi se raghbat hai na baadam se shauq

na to piste hī se raġhbat hai na bādām se shauq

hai magar chashm-o-lab-o-sāqī-o-gulfām se shauq

jo giraftār haiñ us zulf-e-musalsal ke sunā

na unheñ kaam qafas se hai na kuchh daam se shauq

kaun sā hovegā kambaḳht vo āshiq jis ko

hogā furqat meñ dil-ārām ke ārām se shauq

misl-e-ā.īna takegā tirī sūrat ko mudām

ye to jaane kā nahīñ is dil-e-nākām se shauq

phaaḌ kar ḳhat ko vo kahne lage qāsid se mujhe

abe suntā hai nahīñ nāma-o-paiġhām se shauq

is tavaqqo pe ki shāyad vo sahar ko nikle

ghar se bāhar liye phirtā hai sar-e-shām se shauq

zulf us ruḳh pe chhuTī rahtī hai hairān hai aql

kyoñ na hairān ho hindū ko aur islām se shauq

phirnā us kūche meñ yā palkoñ se jhāḌū denī

raat din ham ko hai ai 'aish' isī kaam se shauq

na to piste hi se raghbat hai na baadam se shauq

hai magar chashm-o-lab-o-saqi-o-gulfam se shauq

jo giraftar hain us zulf-e-musalsal ke suna

na unhen kaam qafas se hai na kuchh dam se shauq

kaun sa howega kambaKHt wo aashiq jis ko

hoga furqat mein dil-aram ke aaram se shauq

misl-e-aina takega teri surat ko mudam

ye to jaane ka nahin is dil-e-nakaam se shauq

phaD kar KHat ko wo kahne lage qasid se mujhe

abe sunta hai nahin nama-o-paigham se shauq

is tawaqqo pe ki shayad wo sahar ko nikle

ghar se bahar liye phirta hai sar-e-sham se shauq

zulf us ruKH pe chhuTi rahti hai hairan hai aql

kyon na hairan ho hindu ko aur islam se shauq

phirna us kuche mein ya palkon se jhaDu deni

raat din hum ko hai ai 'aish' isi kaam se shauq