na ulfat na yaad-e-KHuda le gae

na ulfat na yād-e-ḳhudā le ga.e

na jaane vo duniyā se kyā le ga.e

girī barq kyā jaane kis shāḳh par

mirā āshiyāñ vo uThā le ga.e

maiñ un ke talattuf kā joyā rahā

duā lene vaale duā le ga.e

na āh-o-fuġhāñ par thā qaabū mirā

na aañsū hī mujh se sañbhāle ga.e

jo karte rahe pyaar kāñToñ se bhī

vo rāh-e-vafā ko sajā le ga.e

ziyārat ko jitne bhī aa.e the log

diloñ meñ vo tujh ko biThā le ga.e

na kuchh saath laa.e the duniyā meñ ham

na pūchho ki ham saath kyā le ga.e

safar zindagī kā na kaaTe kaTe

na manzil kā bhī ham pata le ga.e

pata un kā miltā nahīñ dahr meñ

churā kar jo dil aap kā le ga.e

supurd-e-ḳhudā ḳhud ko kar ke 'rafīq'

qazā se vo ḳhud ko bachā le ga.e

na ulfat na yaad-e-KHuda le gae

na jaane wo duniya se kya le gae

giri barq kya jaane kis shaKH par

mera aashiyan wo uTha le gae

main un ke talattuf ka joya raha

dua lene wale dua le gae

na aah-o-fughan par tha qabu mera

na aansu hi mujh se sanbhaale gae

jo karte rahe pyar kanTon se bhi

wo rah-e-wafa ko saja le gae

ziyarat ko jitne bhi aae the log

dilon mein wo tujh ko biTha le gae

na kuchh sath lae the duniya mein hum

na puchho ki hum sath kya le gae

safar zindagi ka na kaTe kaTe

na manzil ka bhi hum pata le gae

pata un ka milta nahin dahr mein

chura kar jo dil aap ka le gae

supurd-e-KHuda KHud ko kar ke 'rafiq'

qaza se wo KHud ko bacha le gae