na umid-o-yas ki kashmakash na gham-e-jahan ka KHayal hai

na umīd-o-yās kī kashmakash na ġham-e-jahāñ kā ḳhayāl hai

jo mujhe miTā ke chalā gayā usī mehrbāñ kā ḳhayāl hai

ye havā-e-tund ye āñdhiyāñ ye fazā-e-tīra ye bijliyāñ

faqat āshiyāñ hī kā ġham nahīñ mujhe gulsitāñ kā ḳhayāl hai

yahī fikr hai mujhe raat din mirā haal un pe 'ayāñ na ho

kabhī un ke husn kā paas hai kabhī rāz-dāñ kā ḳhayāl hai

vahī sarfaroshī kī aarzū vahī jaan dene kī hasrateñ

ki balā-kashoñ ko shikast-e-nāz-e-sitamgarāñ kā ḳhayāl hai

mire lab pe 'muztar'-e-ġham-navā kisī bevafā kā nahīñ gila

mirī har nazar ko nazākat-e-dil-e-dostāñ kā ḳhayāl hai

na umid-o-yas ki kashmakash na gham-e-jahan ka KHayal hai

jo mujhe miTa ke chala gaya usi mehrban ka KHayal hai

ye hawa-e-tund ye aandhiyan ye faza-e-tira ye bijliyan

faqat aashiyan hi ka gham nahin mujhe gulsitan ka KHayal hai

yahi fikr hai mujhe raat din mera haal un pe 'ayan na ho

kabhi un ke husn ka pas hai kabhi raaz-dan ka KHayal hai

wahi sarfaroshi ki aarzu wahi jaan dene ki hasraten

ki bala-kashon ko shikast-e-naz-e-sitamgaran ka KHayal hai

mere lab pe 'muztar'-e-gham-nawa kisi bewafa ka nahin gila

meri har nazar ko nazakat-e-dil-e-dostan ka KHayal hai